SCIALPINISTICA Altissimo (da Mori) del 31/12/2005
For per la not me scrive n’SMS el Mich per dirme che el da’ forfait (el pareria strac…ma secondo mi prima che se straca lu’ se ghe vol ben altro!….. sara’ pitost sta’ qualche birra de masa!). E cosi’ quando la matina me trovo co l’Alberto lancio la proposta: “Vist che nef si en bass no se la trova mai…. risciente l’Altissimo da Mori?”. Detto, fatto. En 20 minuti sem za’ a Sano (drio Mori) a 250m. slm (!!!!) che montem le pel e su ! Da na vecia relaziom del Navarini doveresem seguir la “strada dei castioni”….ma qual’ela?… a ocio seguim na strada che sale…e dopo aver traversa’ en par de vignai arrivem effettivamente a Castiom… doveresem esser effettivamente sula strada giusta! E cosi’ ciapem a destra ma…. la strada, prima forestale, po’ tof…. la se sera invasa da piante e rovi…. quante spine! Scominzia cosi’ na’ ravanada da far paura tra i gineprai dei veci tovi abandonai…. d’altronde la relaziom del Navarini l’è de 30 ani fa…. i pascoi no i gh’è pu’! I boschi i è stai abbandonai! En pratica scominzia na tortura de passaggio tra frasche e spine che sol dopo 3 ore e meza dala partenza la ne mola: quando arrivem sulla strada forestale Brentegana a quota 950m. slm. Da qi tornem for vers Festa de Brentonec (a sinistra) perdendo en zentiner de metri de quota. Ma tanto vist che en zo’ dala stessa no tornem e altri 1300m. de traccia no voi farli… som quasi convint de ciamar me fradel per farne vegnir a tor. Ma se sa come che l’è: propri a Festa, e pensar che ormai gh’evo quasi el telefonim en man, parte a traccia: ma si’, l’è quela che sale sull’Altissimo!!! Gh’è da nar! E cosi’ ciapem el solit nos pas atletico e… via! El segnavia el da’ n’ora e meza per malga Campei e noi en men de 1 e 10 sem su a far ‘na pausa e do ciacere con en ciaspolaro (che torneva da li’) che el ne diseva che gh’è davanti do sicalpinisti che ne tracciera’ la via fim enzima. Riprendem la salita e el temp el taca a peggiorar velocemente: appena scollinem ne trovem en la bufera de vent (gh’è da sfruttar le lamine per star en pe’!) e en nebbiom da foc. L’altimetro el da’ 1800… men de 300 metri! No podem zeder adess… e cosi’ dopo che ne sem fermai a meter su i passamontagna (ho encrosa’ i oci e me som vist el nas con su 2 cm. de brina!) ripartim….ma che dura! Ghe metem almen n’ora a arrivar al rifugio (e co la nebbia che gh’era l’è na grazia che l’avente trova’!). Qi trovem anca i nosi veci istruttori de scialpinismo (Piarosa, Marco, Giuliano) e ovviamente la Lucciana, a cui ne approfittem per farghe i auguri… Dopo en bom piat de canederli e en quartim de vim dovem propri tornar: ghe’ da nar a festeggiar capodam! Ovviamente, vist che l’è le do e meza, fin a Mori no podem arivar e cosi’ telefono e convinzo me fradel a vegnir a torne a S.Giacomo. Purtroppo la discesa no la g’ha nient a veder col bel de ieri: el polverom l’era deventa’ grosta e en te la nebbia no se capiva nient. Per fortuna avem segui’ i istruttori che tornando dale traccie de salita i na’ mena’ ala macchina. Beh, se ciava la discesa, ma la soddisfaziom de serar l’an co 2000 metri de dislivel nol ne la ciava nesuni!
| El paes de Sano (mori): la partenza dal fondoval!!!! | |
|
La terribile ravanada tra le spine: la’ en mez gh’e’ l’Alberto. | e finalmente con n’ultimo salt sem sulla strada Brentegana che ne porta vers Festa de Brentonec. | |
|
Il tempo non sembra male, ma… | passa’ malga Campei… | |
|
…e arrivai en gresta tra vent e nebbia de foto no n’avem fate altre. |
